الاثنين، يونيو 3

حكاية السد الأثيوبي في 10 أسئلة وأجوبة - د. ياسر نجم - مشكلة النيل | موقع قصة الإسلام - إشراف د/ راغب السرجاني

حكاية السد الأثيوبي في 10 أسئلة وأجوبة

28/05/2013 - 5:04pm

sd1.jpg

سد أثيوبيا

س1: هى أثيوبيا بتتحكم فى أد ايه من مية النيل ؟

ج1: النيل له منبعين...بحيرة تانا فى أثيوبيا ودى بييجى من عندها زى ما واضح فى الصورة النيل الأزرق وده مصدر فرعى للنيل..بينما النيل الأبيض اللى هو مصدر النيل الرئيسى بيطلع من بحيرة فيكتوريا ويمر فى أوغندا والكونجو..
والاتنين..النيل الأبيض والأزرق بيتحدوا فى السودان وبعدين ييجوا لنا فى شكل نهر واحد..
بيميز النيل الأبيض اللى هو المصدر الرئيسى ان سريان المية فيه ثابت إلى حد كبير طول السنة..بينما النيل الأزرق اللى جاى من أثيوبيا بيتأثر جامد بالتغيرات المناخية..ممكن يقل أوى أو يزيد أوى...
لما بنقول عندنا فى مصر ان النيل منسوبه قليل أو كتير السنة دى..فده بيبقى عادة نتيجة تغيرات فى كمية المية اللى جاية من النيل الأزرق بتاع أثيوبيا.
س2: هل سد النهضة بتاع أثيوبيا ده السد الوحيد على النيل غير السد العالى ؟
ج2: لا...مجموع السدود على نهر النيل حتى الآن 5 غير سد أثيوبيا..
السد العالى..3 سدود فى السودان...وسد فى أوغندا...
مش بس كده...أثيوبيا بتعمل 4 سدود تانية غير سد النهضة ده...منهم واحد شغالين فيه بالفعل من 2009...
وعلى فكرة اسمه اتغير دلوقتى وبقى اسمه: سد الألفية..

س3: امال اشمعنى السد ده اللى عليه مشكلة ؟
ج3: لأنه ضخم جدا..أكبر من السد العالى..هايبقى أكبر سد في أفريقيا ومكان بناه قريب من منبع نهر النيل الأزرق فى أثيوبيا وبالتالى هاتعدي عليه معظم المية اللى جايه من بحيرة تانا..اللى هى منبع النيل الأزرق..
س4: طيب هم هايبتدوا يبنوه امتى؟
ج4: السد ابتدى بناه بالفعل فى أبريل 2011 والمفروض بناه ياخد 4 سنين...يعنى خلص نصه بالفعل..
س5: امال ايه الضجة اللى حاصلة على موضوع تحويل مجرى نهر النيل الأزرق ده ؟
ج5: تحويل مجرى النهر دى خطوة طبيعية بتحصل فى منتصف خطوات بنا أى سد...وحصلت عندنا سنة64 فى منتصف خطوات بنا السد العالى..وبتحصل فى أثيوبيا فى منتصف خطوات بنا سد الألفية الأثيوبى..
س6: طب اثيوبيا ازاى كده تأثر على المية اللى جاية لنا ونسكت لها ؟
ج6: اللى بتقوله أثيوبيا ان السد مش هايأثر على المية اللى جاية لنا..لأن باختصار الغرض من السد مش حجز مية عندهم للرى..الأراضى عندهم مرتفعة عن مجرى النهر زى ما باين فى الصورة..وبالتالى استفادتهم من النيل كده كده فى الرى محدودة..انما هم عايزين السد علشان يولدوا منه كهربا..وبالتالى المية هاتعدى وتيجى لنا عادى برضه بعد ما يتسفيدوا منها فى توليد كهربا عن طريق مولدات الكهربا اللى هايحطوها على السد زى ما احنا عاملين فى مصر بالنسبة للسد العالى..بس المولدات اللى هايعملوها عندهم أضخم بكتير من السد العالى وبالتالى هايبقى عندهم توليد كميات رهيبة من الكهربا وعايزين يصدروها لدول افريقية تانية..منها السودان..ومصر كمان لو احنا عايزين...
س7: امال احنا معترضين ليه بقى مادام مافيش مشكلة ؟
ج7: معترضين لأن خبراء الرى عندنا بيقولوا: ان المشكلة مش فى حجز المية ورا السد..المشكلة ان حجز المية ده هايؤدى لتبخرها تدريجيا وكمان فيه هدر لها هايحصل فى توليد الكهربا..وبالتالى مع الوقت على مر السنين نسبة المية اللى هاتيجى لنا هاتقل تدريجيا على مدار سنين طويلة..
س8: طيب وايه اللى بيحصل حاليا فى النزاع ده؟
ج8: اللى بيحصل حاليا إن فيه لجنة من 10 خبراء..2 من مصر و2 من السودان و2 من أثيوبيا..و4عالميين محايدين بيدرسوا المشروع نظريا وعمليا ويشوفوا إذا كان فيه فعلا ضرر على مصر ولا لأ..وايه الضمانات والاحتياطات اللى ممكن تتعمل علشان ماننضرش..
س9: طب نفترض انهم لقوا فيه ضرر..هل ممكن يوقفوا بنا السد ؟
ج9: مش هايحصل .. أثيوبيا كده كده مكملة فى السد .. دول صرفوا عليه بالفعل مليارات .. وبيحولوا مجرى النيل .. وفيه عقود مع شركات عالمية للبناء والتوريد .. وفيه تمويل من بنوك صينية...
س10: طب والحل ؟
ج10: قدامنا حلين .. الحل الأول العنف .. وده كان الإتجاه أيام النظام السابق .. وكان فيه تهديدات لأثيوبيا بضرب السد عسكريا .. والتوتر والتصعيد أدى لأن أثيوبيا تعند أكتر وتكمل وكمان رفضت تورينا التصميمات والدراسات اللى هى عاملاها ... مش بس كده .. مشيت فى الاتفاقية الإطارية سنة 2010م بتاعة توزيع مياه النهر مع بقية الدول الافريقية لأنها متهمة مصر والسودان بأنهم بياخدوا أكتر من حقهم فى مية النيل طبقا لإتفاقية سنة 1929م اللى عملها الإنجليز وبتدى مصر والسودان هيمنة على نهر النيل .. ومصر والسودان اعترضوا على اتفاقية 2010 ومارضيوش يمضوها..مصر معترفة إن اتفاقية 29 مش عادلة بس المشكلة إن ماعندناش مصدر تانى يعتمد عليه للمية وابتداءا من سنة 2017 مية نهر النيل مش هاتكفينا لوحدها حتى فى ظل اتفاقية 1929..مابالنا لو نقصت حصتنا من المية .. لكن بعد كده السودان اتفاهمت مع أثيوبيا ووافقت على الاتنين .. سد أثيوبيا واتفاقية النهر بشكل مبدئى...
التصعيد العسكرى والعنف مش هاينفع لأنك هاتورط نفسك وجيشك .. وعندك السد بتاعك اللى ممكن يتضرب برضه وهاتبان قدام العالم انك معتدى .. وهم عندهم 4 سدود تانيين غير ده .. هاتضربهم برضه ؟ وكل ما دولة تعمل سد هاتضربهولها ؟
الحل التانى هو التفاهم والتعاون والاستفادة .. إذا كان فيه ضرر من السد .. وده هايبقى بناءا على رأى لجنة دولية فيها خبراء محايدين شغالة دلوقتى .. هايبقى موقفك قوى إنك تاخد ضمانات واحتياطات .. وممكن تاخد منهم كهربا ببلاش أو سعر قليل وخبراءك يروحوا على حسابك يساعدوا فى التعديلات الهندسية اللى تضمن إن مصر ماتتأثرش من ناحية المية .. وفى نفس الوقت اتفاهم معاهم فى اتفاقية التوزيع العادل لمياه النهر...وقدم لهم اللى يغريهم علشان حصتنا من المية ماتقلش..
والأهم من ده كله انك تحسن علاقتك بيهم بشكل مستمر وتتغلغل جوه افريقيا بقوة مصر الناعمة علشان الدول دى تحس انك صديق لهم مش عدو...وده اللى كان عبد الناصر بيعمله ومبارك أساء فيه خصوصا من ساعة محاولة اغتياله فى أديس أبابا...وده اللى مرسى بدأ فيه من أول يوم توليه للحكم وحرص السنة دى كمان انه يروح لهم ويتكلم معاهم فيه..رغم انه كان لسه حاضر المؤتمر الافريقى هناك من كام شهر..
وده انعكس على تصريحات كريستوس وزير الدولة الأثيوبى للشئون الخارجية بعد زيارة مرسى الأخيرة لما قال:
«لدينا علاقات ممتازة حاليا مع مصر، لكن النظام المصري في الماضي لم يكن يبذل جهدا في البحث عن التعاون معنا والمصلحة المشتركة للشعبين، ولم يكن هناك أي نوع من أنواع التعاون المشترك الذي يعود بالمصلحة على البلدين، ولم يلعب النظام السابق دورًا جيدًا في تعزيز العلاقات مع إثيوبيا، وجعلها مفيدة».
وتابع أن العلاقات بين البلدين الآن تسير في الاتجاه الإيجابي والصحيح، وهناك تفهم لدى النظام الحالي بأهمية أن تقوم العلاقات بين البلدين على أساس المنفعة المشتركة من أجل ازدهار مصر وإثيوبيا، مشيرًا إلى أنه تم الاتفاق على تبادل الزيارات بين المسؤولين من الجانبين.."

المصادر:
http://news.nationalgeographic.co.uk/news/2011/07/110713-/ethiopia-south...
http://www.ertagov.com/erta/erta-news-archive/38-erta-tv-hot-news-addis-...
http://www.newbusinessethiopia.com/index.php?option=com_content&view=art...
http://www.ezega.com/News/NewsDetails.aspx?Page=heads&NewsID=2847
http://www.sudantribune.com/spip.php?article44698
http://www.egyptindependent.com/news/ethiopia-wont-allow-inspection-dam-...
http://www.sudantribune.com/spip.php?article41839
http://www.voanews.com/content/nile-series-overview-11march11-118252974/...

ملخص تقرير أعمال لجنة الخبراء المعنية بدراسة سد أثيوبيا - مشكلة مياه النيل | موقع قصة الإسلام - إشراف د/ راغب السرجاني

ملخص تقرير أعمال لجنة الخبراء المعنية بدراسة سد أثيوبيا - مشكلة مياه النيل | موقع قصة الإسلام - إشراف د/ راغب السرجاني

لايامرسى

ماحدث فى اجتماع اليوم المذاع على الهواء مباشرة هو سوء إدارة لأخطر الأزمات التى تواجهها مصر وبعكس ضحالة مستوى التمثيل للمدعوين لمناقشة قضية من اخطر قصايا الأمن القومى ....

يامرسى إتق اللة فى شعبك وحافظ على الأجيال القادمة ولا تهون من آثار ماحدث وانت فى اثيوبيا الم تكن تعلم ان20% من جسم السد قد تم بناؤة بالفعل قبل الصفر للمؤتمر الأخير ولماذا سافرت من اساسة لتزور دولة ستحول ماء النيل وتدخلك فى دوامة الفقر المائى ....

يامرسى إذا مارحمك شعبك اليوم فلن يرحمك التاريخ بعد ذلك فمصر تغلى من جراء إحتمالات فقدان شريان حياتها .... اين الجهاد فى سبيل سريان نهر من انهار الجنة الأربعة أم أن الجهاد فقط كان للوصول الى الحكم ولا شئ يهم بعد ذلك ...

يامرسى لن يسامحك شعبك ولا من ايدوا وصولك الى الحكم إذاماتقاعست فى الدفاع عن امن مصر المائى......

يامرسى ما نلمسة من تحركات تهدف الى التقليل من آثار هول الكارثة المحققة على شعب تقودة دليل على العجز والفشل فى إدارة شئون البلاد ....

يامرسى دعوتك للنوافق الوطنى جاءت متأخرة للغاية وإذا ماكنت حريصا على هذا التوافق فنناشدك سرعة إعداد الدولة للحرب وتوجة إنذارات للعالم اجمع ان مصر فى خطر داهم وعلى الجميع ان يتحملوا مسئولياتهم ....

يامرسى ارسل إنذارا لكل الدول المشاركة فى بناء السد بقطع العلاقات معها فورا أذا مالم تسحب خبراؤها وتمويلها للمشروع وليتوقف المشروع فورا وعندها ستجد التوافق الوطنى الذى تنشدة ....

وفى النهاية اقول لك لا وحرام عليك ان تضيع شعبك ومستفبل اجيال قادمة ومن الأولى لك ولنظامك الرحيل اليوم فبل الغد إذا ماكنتم بالفعل تحبون مصر .

لايامرسى

لايامرسى

يامرسى لن يسامحك شعبك ولا من ايدوا وصولك الى الحكم إذاماتقاعست فى الدفاع عن امن مصر المائى......

اليوم السابع | ننشر أول صور لسد النهضة بالأقمار الصناعية.. دراسة "للاستشعار عن بعد" تؤكد السد سيخصم 17,5 مليار من حصة مصر المائية على 4 سنوات.. وبحيرته ستقلل وصول مليار أخرى سنويا بسبب التبخر

اليوم السابع | ننشر أول صور لسد النهضة بالأقمار الصناعية.. دراسة "للاستشعار عن بعد" تؤكد السد سيخصم 17,5 مليار من حصة مصر المائية على 4 سنوات.. وبحيرته ستقلل وصول مليار أخرى سنويا بسبب التبخر

ننشر أول صور لسد النهضة بالأقمار الصناعية.. دراسة "للاستشعار عن بعد" تؤكد السد سيخصم 17,5 مليار من حصة مصر المائية على 4 سنوات.. وبحيرته ستقلل وصول مليار أخرى سنويا بسبب التبخر

الإثنين، 3 يونيو 2013 - 22:11

أول صورة سد النهضة الأثيوبى من الأقمار الصناعية

كتبت شيماء حمدى

أكدت دراسة للهيئة القومية للاستشعار عن بعد وعلوم الفضاء، أن تأثير سد النهضة على حصة مصر المائية سيكون تأثيرا مرحليا خلال فترة محددة، هى عمر إنشاء السد، وحتى امتلاء سعة خزان المياه، وأنه خلال فترة إنشاء أثيوبيا لسد النهضة ستتأثر حصة مصر بنحو 17 مليار ونصف متر مكعب على مدار هذه السنوات الأربعة، هى عمر إنشاؤه، كما ستقل حصة مصر المائية بمعدل مليار متر مكعب سنويا بعد امتلاء بحيرة السد، وأن هذا الخفض سيكون بسبب عملية التبخر التى ستتعرض لها البحيرة.

وقال الدكتور محمد البسطويسى، أستاذ الهيدرولوجيا بالهيئة القومية للاستشعار من البعد وعلوم الفضاء، القائم بالدراسة، فى تصريحات خاصة لـ"اليوم السابع"، إن تحويل أثيوبيا لمجرى النهر الذى تم بالفعل فى 28 مايو الماضى إلى جهة اليمين بمسافة 200 متر، هو أمر بسيط ولن يؤثر على سريان المياه لمصر والسودان، وأن بدراسة ديموجرافية المكان المزمع إنشاء السد به، فتؤكد البيانات المتوفرة من الأقمار الصناعية وفى ضوء برامج كمبيوتر وتحليلات، أن أقصى عمق للبحيرة سيتراوح بين 150 إلى 100 متر، ومساحتها 745 كيلو مترا بالاعتماد على صور من القمر الصناعى الأمريكى.

وأوضح الدكتور البسطويسى أن فقد مليار متر مكعب من حصة مصر نتيجة التبخر الناتج عن بحيرة سد النهضة ليس بالأمر الخطير، لأن بحيرة ناصر يتبخر منها سنويا 10 أضعاف هذه الكمية، أى تفقد نتيجة التبخر 10 مليار متر مكعب من المياه سنويا.

وأكد البسطويسى، أنه إذا تم تقسيم الـ17 ونصف مليار التى ستستقطع من حصة مصر على أربع سنوات، فلن يؤثر الأمر بالخطورة التى يرسمها البعض، أى بمعدل نحو 4 أو 4 ونصف مليار سنويا، مضيفا أن إنشاء سد النهضة بالنسبة لأثيوبيا يعد حياة أو موت لهم، وأن بطبيعة جغرافيا أثيوبيا لا يمكن لمصر الاستفادة من تنمية المياه هناك أو مشروعات تـأتى بعائد إضافى لحصة مصر المائية.

وحول هذه التقديرات والمعلومات وكيفية التوصل إليها، أوضح البسطويسى، أنه تم التوصل لتقييم حقيقى لتلك المشروعات المائية بأعالى حوض النيل، فى ضوء فهم العوامل الهيدرولوجية والجغرافية والجيولوجية بمنظور علمى يعتمد على تكنولوجيات متطورة، يمكنها التغلب على مشكلة توافر البيانات الميدانية والأرضية، ولذلك تم الاعتماد على صور الأقمار الصناعية، والتى حصل عليها من أحد المصادر وتم التقاطها بقمر صناعى أمريكى، بالإضافة إلى نماذج رياضية وبرامج كمبيوتر يتم من خلالها توزيع الأعماق وتحديدها فى ضوء مستوى سطح المياه، ويمكن استخدام هذه البيانات فى حساب السعات التخزينية للمنخفضات والبحيرات الصناعية الناتجة عن إنشاء سدود بأماكن معينة وبارتفاعات محددة.

وأضاف، "فى ضوء تحليل البيانات والحسابات والتحليلات، اتضح أن أقصى ارتفاع للسد بالموقع المقترح بالطبوغرافيا المحيطة، وحتى لا يحدث أى تسرب لمياه البحيرة الناتجة من فوق أحد الأخوار الجانبية، حتى لا يفقد السد جدواه، سيكون عند إحداثى 11,216 شمالاً و35,084 شرقاً بالقرب من الحدود السودانية، سيبلغ ارتفاعه نحو 101 متر عند هذا القطاع النهرى، والذى يبلغ مستوى سطح النهر عنده حوالى 506 متر فوق مستوى سطح البحر، وبالتالى تم تقدير مساحة البحيرة حوالى 745 كليومتر مربّع عند مستوى 603 متر فوق منسوب سطح البحر، وسيبلغ أقصى تخزين للبحيرة حوالى 17 مليار متر مكعب من المياه".

وأشار البسطويسى إلى أن مصر بحاجة لزيادة حصتها المائية خلال السنوات القادمة بنحو 10 مليار متر مكعب، بسبب الزيادة السكانية وزيادة النشاط الصناعى والحاجة لتوليد الكهرباء وغيرها من الأنشطة الزراعية، لافتا إلى أن فرص تنمية مصادر المياه لمصر تتوافر فى دول حوض النيل الأخرى ومن أهمها أوغندا، حيث يمكن إقامة مشروعات مشتركة بين البلدين لتطهير المستنقعات فى أوعندا ما يساعد على زيادة كمية سريان المياه التى تصل لمصر، ويمكن لأوغندا إقامة شبكات طرق وتوليد الكهرباء، والأمر يتطلب توطيد العلاقات سياسيا واقتصاديا مع أوغندا.

اليوم السابع | ننشر أول صور لسد النهضة بالأقمار الصناعية.. دراسة "للاستشعار عن بعد" تؤكد السد سيخصم 17,5 مليار من حصة مصر المائية على 4 سنوات.. وبحيرته ستقلل وصول مليار أخرى سنويا بسبب التبخر

الأحد، يونيو 2

اليوم السابع | خبراء اقتصاد: عدم الاستقرار السياسى تسبب فى انهيار السوق العقارية

خبراء اقتصاد: عدم الاستقرار السياسى تسبب فى انهيار السوق العقارية

الأحد، 2 يونيو 2013 - 16:22

صورة ارشيفية

كتب أحمد حسن

قال سمير حلبية عضو شعبة الاستثمار العقارى، إن السوق العقارى فى مصر يشهد ركودا وذلك نظرا للظروف السياسية غير المستقرة والانفلات الأمنى الذى تعانى منه البلاد.

وأضاف حلبية، لـ"اليوم السابع" أن عدم الاستقرار السياسى يعطى صورة سلبية عن مصر للمستثمر، مما أثر سلبا على السوق العقارى وأسعار الوحدات السكنية.

وتابع: "لكى يشهد السوق العقارى انفراجة من جديد يجب أن يكون هناك استقرار سياسى وأمنى، وأن تسعى الحكومة لتقديم مزايا للمستثمرين لجذب الاستثمار مرة أخرى وتضرب بيد من حديد على الانفلات، فالمستثمر يخشى إقامة وحدات سكنية أو عقارات خوفا من الاستيلاء عليها كما حدث قبل ذلك".

من جانبه قال أحمد عبد اللطيف، عضو شعبة الاستثمار العقارى، إن عدم تمكين الرئيس وأجهزة الدولة هو السبب فى انهيار السوق العقارى، محملا المعارضة مسئولية هذا الانفلات، بسبب تظاهراتها والحركات التى تطالب برحيل الرئيس وغيرها، مما أثر سلبا على السوق العقارى.

ورفض عبد اللطيف تقديم الحكومة دعم للمستثمرين من أجل جذب الاستثمار، لافتا إلى أنه ضد أى دعم عينى، قائلا: "الحكومة تقدم دعم للمقاول أو المستثمر من أجل بناء وحدات سكنية لمحدودى الدخل والشباب و تباع بأسعار أعلى من مقدرة محدودى الدخل لذلك لا تستفيد هذه الفئة من ذلك".

وأشار إلى أنه رغم الركود الذى يشهده السوق العقارى إلا أنه مازالت أسعار الوحدات السكنية مرتفعة، لافتا إلى أن أصحاب هذه العقارات يرفضون التنازل عن هذه الأسعار.

اليوم السابع | "التموين": مخزون القمح 3.7 مليون طن ويكفى حتى نهاية أكتوبر

"التموين": مخزون القمح 3.7 مليون طن ويكفى حتى نهاية أكتوبر

الأحد، 2 يونيو 2013 - 15:53

صورة أرشيفية

كتب مدحت وهبة

عقد الدكتور باسم عودة، وزير التموين والتجارة الداخلية، اجتماعا مع اللجنة العليا لبرامج القمح لاستعراض أرصدة القمح المستورد والمحلى المتواجد بالبلاد، حيث بلغت 3.707 مليون طن تكفى احتياجات البلاد حتى 31 أكتوبر 2013 بخلاف ما يتم تسويقه محلياً حتى نهاية الموسم.

وأكدت اللجنة ضرورة التزام شركات المطاحن بنسبة الخلط المقررة بين القمح المحلى والمستورد بنسبة 75% للمحلى و 25% للمستورد، فيما استعرضت اللجنة كميات القمح المحلى المسوقة حتى يوم 18 من شهر مايو الماضى، والتى بلغت 3.11 مليون طن بزيادة عن الكمية الواردة فى ذات التاريخ من العام الماضى بنحو مليون طن.

وأكد الدكتور باسم عودة وزير التموين، فى تصريحات صحفية، اليوم الأحد، أن وزارة المالية وردت 8 مليارات جنيه لسداد مستحقات المزارعين عن توريد القمح فور الفرز والاستلام، لافتا إلى أنه تم التأكيد على التخزين فى الصوامع حرصا على القمح وسلامته وأنه تم استيعاب كمية قدرها 790 ألف طن من إجمالى الكميات المسوقة فى الصوامع.

وأوضح الوزير أنه يبذل أقصى جهد لاكتمال منظومة إنشاء الصوامع حتى يتم التخزين بالكامل فى الصوامع والقضاء على التخزين فى شون نهائياً.

مدونة نهضة مصر Renaissance of Egypt

الاثنين، يونيو 3